JK: Kifo cha Osama bin Laden ni faraja

Rais Jakaya Kikwete amesema kifo cha Kiongozi wa Al-Qaeda, Osama Bin Laden ni faraja kwa ndugu na jamaa wa wale waliopeteza maisha yao kwenye mashambulizi ya mwaka 1998 kwenye Ubalozi wa Marekani, Dar es Salaam.

Alikua akijibu swali kutoka kwa waandishi wa habari mchana huu ambo walitaka kujua msimamo wake juu ya kifo hicho ambacho kimetawala taarifa za vyombo vyote vya habari duniani.

Hata hivyo alisema kwamba kama binadamu ni vigumu kufurahia kifo cha mtu mwingine, lakini akasisitiza kwamba 'kwa kua Osama alikua kiongozi wa kundi la kigaidi basi kifo chake ni faraja kwa ndugu na jamaa za wale waliopoteza maisha kwenye shambulizi la mwaka 1998'.